Aste honetako esaldia

Irakurketa jakinduriaren unibertsora eramaten gaituen espazio-ontzia da.

Gauzen zergatikoa

Zergatik erortzen da katua beti zutik? Zergatik ez digu minik ematen ilea mozteak?
Zergatik izaten dugu zotina? Zergatik pizten dira argi-bonbilak? Zergatik ez da Eguzkia gauez ikusten?
Horrelako kontuek zure jakinmina pizten badute, liburu hau gustatuko zaizu!

Haur liburuaren nazioarteko eguna

Egun hau apirilaren 2an ospatzen da mundu osoan, Hans Christian Andersen idazle ospetsuaren jaiotza eguna oroitzeko. Bera izan zen gaur egun oraindik oso ezagunak diren ipuin askoren egilea: Sirenatxoa eta Ahatetxo itsusia, adibidez.

Aste honetako esaldia

Hausnartu gabe irakurtzea mastekatu gabe jatea bezalakoxea da.

Lehiaketa

Elkarrek laugarren urtez haur eta gazteei zuzendutako ipuin eta ilustrazio lehiaketa antolatu du.

Horren inguruko informazio guztia ondorengo helbidean aurki dezakezue:
http://www.elkar.com/ipuin_eta_ilustrazio_lehiaketa/default.cfm

Aste honetako esaldia

Irakurketa mundu zaratatsu honetako lurralde aske eta lasaia da.

Aste honetako esaldia

Nork dio irakurtzea erraza denik? Nork dio irakurtzea beti pozgarria denik?
Horrexegatik, irakurle bihurtzea lorpen handi eta aberasgarria da.

Aste honetako esaldia

Liburu bat lagun on baten modukoa da: alboan izan ez arren, badakigu behar dugunean hor egongo dela.

Aste honetako esaldia

Liburuek gure begiek ikusten ez dutena erakusten digute.

Txanpon baten truke

Ezagutzen al duzu Alaitz eta Maiderren "Txanpon baten truke" abestia? Kanta polit honetako protagonista kalean betiko ipuinen bertsio eroak kontatzen dituen gizon bat da.

Ezagutzen dut gizon bat

kale kantoian jarrita

ipuin harrigarriak

kontatzen dituena

txanpon baten truke:

dragoia eta printzesaren

ezinezko maitasuna,

zahartutako basoko loti ederraren

azken egunak,

printze urdinak abandonatuta.

Txanogorritxuren dibortzioa

otsoaren suizidioa.

Jendea presaka dabil,

ordea, entzuteko
astirik ez dauka.

Aspaldiko garaietan

urrutiko lurraldetan

gertatutako istorioak.

Txanogirritxuren dibortzioa

otsoaren suizidioa.

Entzun nahi baduzu joan zaitez hurrengo helbidera: http://youtu.be/Ju44uWJs-z4

Aste honetako esaldia

Irakurtzean sentitzen den gozamena bikoiztu egiten da alboan liburuak konpartitzeko norbait dagoenean.

Ba al zenekien...?

Miguel de Cervantes idazle espainiarrak 1605. urtean idatzitako El ingenioso hidalgo Don Quijote De La Mancha mundu osoan zehar Bibliaren ondoren gehien irakurri den liburua omen dela?

Gure liburutegian lan honen euskarazko bertsioa ere aurki dezakezu: Mantxako On Kixoteren abenturak.

Aste honetako esaldia

Liburua urrunera bidaiatzeko ibilgailurik onena da.

Mariasun Landa

Mariasun Landa euskal idazle ospetsuenetako bat dugu. Haur eta gazteei zuzendutako liburu ugari idatzi ditu, baita sari mordoa jaso ere. Bere lanetako asko inguruko eta atzerriko hizkuntzetara itzuli dira.

Idazle honen istorioetan pertsonaia bitxiak aurki ditzakegu: zirku batean lan egiten duen arkakusoa, mamu maitagarri bat, bere bizitzaz asperturik balkoitik salto egitea erabakitzen duen galtzerdia...

Abentura hauetaz gozatu nahi baduzu gure liburutegian baduzu horretarako aukera!